Antona un Aleksandra Ārmaņu folkloras vākums

0263-Brali-Armani-04-0014
AtšifrējaSandis Laime
Pabeigts
Pārbaudīts
Labots2022-11-24 23:11:39
Atšifrējums

2921

Symts godu atpakaļ muna veira tāvs Kristia diņā pi Zaļmuižys kunga Paulina par lesnīku lyuzā, tagadejā Cybuļskuo vītā. Jis beja tik uztycams Paulina kolps, ka lobuoka vaira navaŗā byut. Ka jis nūmyra Paulins pats saciāja, ka mirs juo lobuokīs suņs Kristia.Sovam lobejam, uztycamajam kolpam par gūdu jis lyka nūgrīst lobuokū bārzu dieļ groba. Jis beja taids lesnīks, ka nu kunga meža nadreistiāja nivīns žagareņš gaist. Riaizi juo poša desmit godu vacais dāls beja ganeidams kunga mežā nūgrīzs keidys pīcys bārza reiksteitis, sasiejs, lics iz placu i atness iz sātu. Tū pamaņiejs lesnīks - tāvs. Jis aizguojs iz Paulinu, nūzametīs ceļūs, i lyudzs rauduodams Paulina lai tys apsažālojās, ka navars juo meža nūsorguot. "As navaru vaira tuo bādys pacīst! Jau treis naktis nagulieju! Nu ļaužu to nūsorguoju, a juo poša dāls īt i zūg mežu uorā. Nasiaņ pat as jū nūkieru nu tova meža pīci bārzi zūgūt." - "Lyls ir tovs dāls?" prosa kungs. "Desmit godu vacs" - "Keita jis tūs bārzus zoga?" - "Vasaly pīci bārzi jis beja nūgrīzs, i ņasia iz sātu." - "Tī jau navaŗā byut lyly bārzi." - "Tagad to jī nabeja lyly - reikstis lylumā beja. Par godim itī pat pīci bierzeni byutu izauguš par brīsmeigīm bārzim... muns dāls jūs nūmaituoja. Dori, kungs, ku gribi ar munu dālu, as juo navaru vaira vaļdiāt." Paulins līk atviast dālu iz muižu par vodaniku. Istaisiejuš jam drusku eisuokus kuoseišus, lai spani pa ziami nazavalkās, i lykuš pi iudiņa nešonys lūpim. Sātā nav kam vaira gūvu gaņāt. Patia kei nāmusia batašku: "Iaj, vacīs valns gonūs ka tu par tuom pīcom reiksteitiam bārnu iz katorgu aizdzyni!" Tam daguojs gon īt gonūs. Jei apsvidusia skustu da iz muižu. Kei īraudziesia ka juos bārns ar lylym iudiņa spanim mūkuos, daskriesia pi piunys, nūruosia tam kuošus [nu] placu ziamī, kei suokusia ratunkus klīgt, kei suokusia lomuotīs: "Par pīcom bārza reiksteitiam miu munu bārnu ziamī beigsit! Šatia tuos reikstis, šatia ka jiusim vāg!" Kungs lics puiku atlaist iz sātu.

2922

Spuorni. Mozī bārni slymoj ar spuornim. Ka bārnam ir spuorni, jis ir brīsmeigi namīreigs: naguļ, nasiād, raud, pliešās. Spuornus ličej: Panam paisiaklis. Muotia īlīk bārnu paisiakļās, vacuo muotia trejs raizis pa drusceitiai pīmīdz bierņenam pi placu. "Ku tu paisi?" prosa muotia. "Spuornus paisu" atsoka vacuomuotia.
Atšifrēt tekstu
Atslēgvārdi
AtšifrētIzvēlies cituBiežāk uzdotie jautājumi

Šī vietne izmanto sīkdatnes, lai uzlabotu lapas lietojamību un optimizētu tās darbību. Turpinot lietot šo vietni, Jūs piekrītat sīkdatņu lietošanai lulfmi.lv digitālajos resursos. Uzzināt vairāk.