Antona un Aleksandra Ārmaņu folkloras vākums

0263-Brali-Armani-04-0012
AtšifrējaSandis Laime
Pabeigts
Pārbaudīts
Labots2022-11-24 20:59:20
Atšifrējums

2900

Munai gūviai naskas beja pattaisiejs: asni suoca slaukt. As sasaju sūceņu aiznešu iz bazneiceņu, lai ļaundaram atsarībtūs. Patia aizguoju viāļ da Pyušļuotuojis Miārdzinis pagostā aiz Jevys muiženis. Tei appyutia, appyutia sudi, appyutia iudinī ruodiāja ļaundari. Jei saciā: "Paņam jo grākus, tiuļeit byus beigts!" Maņ baiļa beja juo grāku iz siavia ņimt, tai as jū atstuoju dzeivu.

2901

Saukavīšu Siļveits toža vaigu ruodiāja. AIzguoju as ŗaizi da juo. Jis ņāmia īmiatia taidu voska gabaleņu iudinī, tys ti kuļcinejas. As cyta nikuo navarieju radziāt. Jis prosa: "Redzi kūna vīn?" - "Na naradzu" Teicia Krīvu Volodzka.

2902

Rudzu lauža laustī rudzi. Gadiājās maņ ŗaizi salaustūs rudzus ispļaut. Kei suoka man rūkys lauziāt, kei suoka mani mūciāt, as i nakti vaira navarieju guļāt. As to tūs rudzus najauši ispluovu. Pamaņieju, ka laustī, tikai ka beidžu jau pļaut. Kūta vaira daŗāt? Paraudzieju as i kiupynuotū ar tūs patsalaustūs rudzu ruguojīm da vus. Tys kei naleidziā, tai naleidziā, ūtrā dīnā jau as saslymu. Aizguoju as da Gleizdovys Andriveņa. Tys navaŗāja nūrunuot. Daguoja īt da Bubynu Odumeņa to paļdis dīvam! tys mani prestiāja vaļā. Kam na juo byutu beigys kluot.

2903

Misinckis. Godu četrudesmit atpakaļ Strūžonu Cakšūs Cetruškys krystobuos nazynu nu kuo saslyma muna muoseņa Justa. Kei jei patia stuostia to nu galis. Nazynu kas galī beja jai pattaisiejs. Nu tūs krystabu jei palyka tik slyma, ka vaira paīt lāga navaŗāja. As paņiemu suoli, puskvartu brandīna, aizguoju da Mesinckus. Tymā laikā da jus lyluska doktura myusu vydā nabeja. "Kamta patia naguoja?" - jis prosa. "Navaŗā." Jis ņāmia appyutia suoli, brandīnu, pasciā ka paliks vasala. As sadzirdieju tuos zuolis Justai un kū tu dūmuosi: trešā dīnā jei palyka vasalā.

2904

Godu divdesmit atpakaļ saslyma muns svaineits. Gutku dzeraunis. Jis guoja iz krystobom. Nadaguojs da guda iz tiruma saslyma ar trokumu i atsagrīziās iz sātu atpakaļ. Ka saņāmia jū trokums, to pa laikim jis kei zyrgs i ŗācia. Sietnīki jū sasiāja, lyka rotūs aizviadia da Mesinckus. Tys kei nūrunuoja, svaineits i vasals palyka. Sasītu jū aizviadia, vasalu atpakaļ iz sātu atviadia.

2905

Vādara slimeibom lobi buļdurjuoni,

2906

peleimi,

2907

zirdziņu saknis,

2908

radini.
Atšifrēt tekstu
Atslēgvārdi
AtšifrētIzvēlies cituBiežāk uzdotie jautājumi

Šī vietne izmanto sīkdatnes, lai uzlabotu lapas lietojamību un optimizētu tās darbību. Turpinot lietot šo vietni, Jūs piekrītat sīkdatņu lietošanai lulfmi.lv digitālajos resursos. Uzzināt vairāk.