Staņislava Apšenieka folkloras vākums

0709-Stanislavs-Apsenieks-0064
AtšifrējaKristīne Po
Pabeigts
Pārbaudīts
Labots2022-08-06 18:40:49
Atšifrējumska valns byus tyvu svīd par placu žagareņu, tyuleņ byus taids mežs, ka ni jis pōri pōrīs ni apleik apīs. Pēdeigi svīd par placu dīdzeņu, byus brīsmeigi krōcuša upe. Tai obeji bārni bāg un bāg. Dzierd atskrīn valns, ka zeme vin reib. Puika redz ka valns jau pavysam natōli. Tai puika svīž ūgli par placu; tyuleņ izaceļ brīsmeigs kolns, ka ni pōri pōrīt ni apleik apīt. Tai valns skrīn atpakaļ, sadzan ļaudis labi samoksoj, lai pōrbad lineju. Ļauds strōdoj ilgi, ilgi cykom izbad lineju, bet golā izbad gon. Kai tikai lineja gotova, tai valns otkon dzanās pakaļ, a bārni jau aizbāguši lelu gobolu. Valns tik dzanās. Jau puika redz, ka valns pavysam natōli, jau zeme vin reib, tai puika svīž zemē žagareņu par placu, tai tyuleņ izataisa lels, bīzs mežs. Valns lein, lein i īzasprīž, sasapleš i sazajēmīs - atpakaļ i drōž pi ļaudim. Valns sasauc ļaudis, saber kaudzi naudas, lai izcierš lineju. Ļauds strōdoj, strōdoj - izcierš gon. Valns otkon dzanās bārnim pakaļā. Otkon zeme atreib vin nu valna skrīšonas. Puika redz ka valns jau pavysam tyvu, tai svīž par placu dīdzeņu, tai tyuleņ upe tak i akmini velias ka valnam ni pōri tikt ni apleik apīt. Tai valns līkās upē i maun, bet nikur navar tikt. Tai valns pajam i aizsvīž bārnim upi ar leikumu prīkšā, lai navar tikt pōri. Tai valns sasauc ļaudis, saber gubu naudas, lai taisa tyltu. Bārni bāg, bāg daskrīn pi leikuma un navar tikt pōri. Kur bejis nabejis vierss. Tai jamās bārnus pōrnest. Kai tikai obejus pōrnas, tai vierss soka: sit man par pīri. Puika nagrib sist, kai šis sovam glōbējam lai sytūt. Bet vierss soka lai sytūt. Tai puika i īsyt, tai izskrīn vīns suņs. Īsyt ūtru reizi, tai izskrīn ūtrs suņs. Syt trešu reizi, tai izskrīn blise. Tod vierss soka: "Še tev itī suni un blise un nikas celiā navarēs stōtīt, bet jo kas tev darēs ļaunu tod soki - ņem pušu" tod redzeisi kas nūtiks. Tū izsacējis vierss īkreit kai yudinī. Tagad obeji bārni īt drūši. Valns pōrgōjis par tyltu dzanās bārnim pakaļ. Valns jau natōli, tai puika soka uz sunim "nem pušu". Suni kreit valnam viersā un vins divi saplieš valnu gobolūs. Tagad jī īt mīreigi tōļōk. Gōja, gōja un beidzūt īgōja piļsātā. Tymā piļsātā nabeja nivīnas dzeivas dvēseles, vyss tukšs. Brōļs un mōsa nūsamete dzeivōt kaidā skaistā piļī. Brōļs gōja medeibōs, bet mōsa palyka mōjōs. Vīnu reizi kur bejis nabejs atīt pi mōsas valns un soka: ka es tevi saplēsšu, jo tu nagribeisi byut man par sīvu. Mōsa zynōdama ka brōļa nav mōjōs apsajam. Kad mōsa apsajam byut valnam par sīvu, valns soka, lai paleidzūt šam brōli nūkaut. Valns soka: apsamet par slymu un soki, ka cytaiž vasala napaliksi, cykom nadabōsi viļcīnes pīna. Vokorā brōļs ar sovim sunim atīt nu medeibom un redz mōsenia slyma. Mōsa soka uz brōli: es cytaiž napalikšu vasala, cykom man dabōsi viļcīnis pīna. Brōļam tyka mōseņas žāl un jis tyuleit pajēmis suņus un blisi laidēs uz medeibom. Kai tikai dagōja pi meža tai tyuleņ skrīn viļcīne preteim. Brōļs jau pīlyka blisi pi vaiga un jau mierējōs šaut, ka viļcīne īsōka runōt: "Lobais cylvaks, kō tik vin vajag dūšu tev vysu, tikai pažāloj munas dzeiveibas!" Brōļs i našāve viļcīnes un sacēja, ka man nikō cyta navajag, kai tikai īdūd sova pīna. Viļcīne īdevia sova pīna un brōļs prīcōdamīs, ka mōsa paliks vasala gōja uz mōjom un īdevia pīnu mōsai. Ūtrā dīnā otkon aizgōja brōļs uz medeibom, atgōja pi mōsas tys pats valns un soka: voi atneze tev viļcīnis pīna? Tei soka ka atnezs gon. Tad valns sacieja mōsai, lai nazaceļūt vys, lai palīkūt slyma un lai prosūt lōcīnis pīna, kai tikai jis aizīšūt, tai lōcīne jū sapliesšūt. Vokorā atgōja brōļs nu medeibom un prosa mōsai: voi palyki vasala? Tej atsaceja, ka naasūt vys vasala un nabyušūt vasala, cykom nadabōšūt dzert lōcīnis pīna. Ka tu brōleit man varātu jō dabōt!"
Atšifrēt tekstu
Atslēgvārdi
AtšifrētIzvēlies cituBiežāk uzdotie jautājumi

Šī vietne izmanto sīkdatnes, lai uzlabotu lapas lietojamību un optimizētu tās darbību. Turpinot lietot šo vietni, Jūs piekrītat sīkdatņu lietošanai lulfmi.lv digitālajos resursos. Uzzināt vairāk.