Staņislava Apšenieka folkloras vākums

0709-Stanislavs-Apsenieks-0063
AtšifrējaKristīne Po
Pabeigts
Pārbaudīts
Labots2022-08-06 18:19:35
Atšifrējumsnikō jam par itū nasoka. Ka jou cītia jī, lai cīš ari trešais medinīks. Bet tam beja lobōka laime. Īt, īt daīt pi tōs pašas mōjas. Īgōjis ustobā jis redz tū pašu veiru kurs roksta ar rogovas ilksi un soka: lobvokor. Lobvokor, lobvokor atsoka jam valns, nu kū soka pasaceisi? Medinīks stōsta, tai un tai šam vajagūt guņs. Labi, labi, soka jam valns, izstōsti man tū kas nav uz pasauļa bejis un nabyus, bet jo naizstōsteisi tod izdzeišu trejs slūksnis par mugoru i padzeišu bez guņs. "A, ka izstōsteišu, tod izdzeišu tev!" Labi. Valns ar mīru. Medinīks soka: "Vot pazaklausīs! Beja munam tāvam pīcas tyukstūšas bišu kūku. Kotru vokoru jis ar skaitu jōs sajēme un reitūs kotru reizi ar skaitu izlaidia. Vīnā vokorā saskaita, vīnas bites tryukst. Tai jis pajēmis sešus suņus un blisi laižās bitei pakaļā. Atroda gon, bet jū jau beja apsāduši seši vylki. Ar mūkom izadevīs gon atnimt nabona [naboga] biteiti, bet vylki bejuši jau cytā vītā i īkūduši. Tāvs redz ka dzeivōtōja nabyus pīlyka divi kubuly galis, un trešū ar seikumim. Sadūmōjam ka var gaļa sasamaitōt. Jōbrauc uz Reigu pēc pypru un lapeņu. Tai es nikō nadūmōdams, jyudzu ūdu rodūs [rotūs], sādūs īkšā un laidūs uz Reigu. Nūpierku pyuru pypru i pyuru lapeņu, sabieru maisā, svīdu rotūs un pats īsasādūs, un laižūs uz mōjom. Te īraugu maisam caurums. Pag', vai tikai nabyus pypri izbyruši? Ātri pōrskaitu. Jā, kai tod - vīns pypris izkrits. Tai es nikō nadūmōdams pa pādim pakaļ. Dadzynu gon, bet jis jau beja izaudzis leidz dabasim. Izkōpu pa zorim dabasūs, bet tī nikō loba nabeja. Bejs vīns tierdzeņš ar lynsāklu palavom a vairōk i nikō. Gribēju kōpt zemē, a pypris nu viersyunes jau nūveits. Īdūmoju ka tierdzeņā lynsāklu palovas. Steidžūs ātri atpakaļ cykom ļauds vēļ naizbraukoj; nūpierku palovas, nūveju viervi un pīsēju vīnu golu pi dabasu, ar ūtru laidūs leidz pypra zorim. Kōpšu zemē, a te nakanes goni pypru nu zemes jau lobu gobolu nūdadzynōjuši. Kōpu atpakaļ uz dabasim, atraisēju viervi, aiznešu un pīsēju pi pypra apakšas; laidūs vīn uz leju, bet leidz golam natyku. Nikō darēt laižūs bez viervis. Kai kritu, tai leidz pusei zemē īgrimu. Kū nu darēt? Navar tikt ōrā laižūs īt uz mōjom pēc lōpstas. Aizgōju, atnežu lōpstu, izbedu un braukšu uz mōjom. Ka tī zuda zuda vīns pypris. Aizbrauču, mōjōs tāvs pīdarējis ols, pīlējis pylnu ustobu un pagrobus, par slīksni putas tai i vin sytās." Valns natic. Tai medinīks izdzan valnam trejs slūksnis par mugoru, pajam guni i aizīt uz sovim draugim sveiks un vasals. Sakyure guni un pōrdzeivōja leidz reitam. Reitā medinīki atroda ceļu un vasali aizgōja uz mōjom.

30

Nalaimeigais puika.
Reizi dzeivōja vīns medinīks. Dizin cik bogots nabeja. Vīnu reizi jis aizīt uz mežu i aizamolda. Staigoj vīnu dīnu, staigoj ūtru, bet nu meža ōrā tikt navar. Staigōdams jis īsasaucia "Ak, ka kas mani izvastu nu itō meža, tam nazyn kaidu naudu samoksōtu!" Te kur bejis nabejis pīīt pi jō vīns cylvāks un soka: atdūd man tū, kō tu mōjōs vēļ nazyni i tyuleņ izvesšu nu meža ōrā!" Cylvaks padūmoj, padūmoj kas tī varātu byut, bet nikō nazyna. Golā soka ka atdūšūt. Tai napazeistamais cylvaks vīns, divi izvad nu meža ōrā, i kai izvad jū ōrā tai i napazeistamais cylvaks kai caur zemi i pakreit. Tagad naboga mednīks saprūt ka itys ir bejis valns. Tai jis aizīt uz mōjom redz ka sīvai pīdzymuši divi bārni: dals un meitinia. Nūsabādoj, nūsabādoj gon mednīks, bet nikō darēt, ka ir apsūlējis bārnus valnam. Bārni aug stundem i minotim un mīrinōj tāvu, lai nazabeistās. Kad bārni sōka augt, pi jūs īgōja vīns veceits i pamōca bārnus, kū darēt i īdūd jīm žagareņu ūglis i dīdzeņu saceidams: ka redzeisi bāgūt valnu jau tyuli, svīd ūgli par placu, tod byus taids kolns, ka valns ni apleik apīs ni pōri pōrkōps. Tod otkon
Atšifrēt tekstu
Atslēgvārdi
AtšifrētIzvēlies cituBiežāk uzdotie jautājumi

Šī vietne izmanto sīkdatnes, lai uzlabotu lapas lietojamību un optimizētu tās darbību. Turpinot lietot šo vietni, Jūs piekrītat sīkdatņu lietošanai lulfmi.lv digitālajos resursos. Uzzināt vairāk.