Ikryta meitine
Jyuras dybynā
Jyudiņa vilnīši
Aizleigoj tōļi
Gryuts man ir jyurā
Gryuts jyuras vilņūs
Oi Dīveņ, oi Laimeņ
Aiznesit mani
Aiz augstō kolna
Aiz augsto kolna
Aiz zylōs līkņes
Tur dzeivoj muns daudziņš
Muns meilōkais.
Tam es pastīpšu
Sovu rūciņu
Tur es dzeivošu
Sovu myužiņu. -

4662

76: Jauni puiši Dīvu lyudze
Elnē kōjas sakōruši:
Pīdūd Dīvs šitu reizi
Vairs uz meitom nastaigošu.

4663

77: Dūd mamiņa kam dūdama
Vacam puišam vin nadūd
Vaca puiša mīlestība
Smird kai vaca rutku dūbe.

4664

78: Lobōk valnu es iraugu
Na dzārōju tautu dālu:
Mešu krystu, valns aizbāga
Dzārojs krysta nasabeida.

4665

79: Man nabeja vylka bais
Kai tō vaca puša bais.
Treis jam bōrda, klab jam zūbi
Ar manim runojīt.

4666

80: Man nabeja vylka bais
Kai to vaca veča bais
Vylkam bōrda natricēja
Vacam večam bōrda tric.

4667

81: Štuki leli breinumiņi
Elkšņam meili rūžu zīdi
Vel leloki breinumiņi
Vacam večam meitas mīl.

4668

82: Tveicin tveika ūša ūgle
Uz yudiņa grīzdamōs
Tai tveikst puiša dvēselīte
Uz meitiņu verūtīs.

4669

83: Bērziņš auga uz kalniņa
Pret saulīti lūcejōs
Tai lūkās puiša prōts
Pret jaunom meitinem.

4670

84: Es ar puisi narunōju
Zam ūzula stovādama.
Uzulam bīzas lopas
Puišam blēža volūdiņa.

4671

85: Palāks putns spōrnus syta
Uz palāka akminteņa
Izsit Dīveņ puišam prōtu
Kurs meitines nycynōja.

4672

86: Zaļa dzylna dīgu vylka
Caur yudini, caur akmini
Es izvylku puišam prōtu
Vīnu nakti gulādama.

4673

87: Natur syunu tys akmiņs
Kurs guļ jyuru dybynā.
Nadaudz prōta tam puišam
Kurs daudz meitu kadynō[?].

4674

88: Dūdit man koč nalelu
Teiras maizes gabaliņu;
Dūdit man koč šalteņu
Šmuku puiku parunōt.

4675

89: Vīgli lazdeņu nūlīču
Lai zīdeņi nanūbyra
Vīgli meitu nūbučōju
Lai gulēja vysu nakti.

4676

90: Kū smildzeņa lūcejos
Pret tū rudzu teirumiņu
Kū meitine līlejōs
Pret tū puisi orojiņu.

4677

91: Kō tī kraukli kraucinēja
Kō žogotas kladzynōja
Dīveņš kōre puiša golvu
Zaļā bārza vērsyunē.

4678

92: Meiteņ puiša navīrej
Puisīts tevi pīmonēs
Cik sītā yudins stov
Tik tu puiša klausīt vari.

4679

93: Puiši, puiši, troni, troni
Zyrgi rudzu rugainē
Mes mōseņas dzaltonītes
Myus telītes ōbulā.

4680

94: Tricēt tric tei maliņa
Kur mamiņas goni gona.
Ni lapiņa načaukstēja
Kur joj tava pīgulnīki

4681

95: Sēju auzas teirumā
Es atraiša gaidīdama.
Voi auzeņas na maizīte,
Voi atraits na orōjs. -

4682

96: Ni dūmōju izaugdama
Ni pyuriņu darīdama.
Ni pabērņa mōte byut
Ni atraiša ļaudaviņa.

4683

97: Es nalaužu ūšu zoru
Es nasvīžu yudiņī;
Es naīšu pi atraiša
Bōrinīšu ryudynōt.

4684

98: Nadūd Dīvs atraišam
Nūjimt munu vaiņuceņu
Cyti puiši mōsom lyka
Atraits mete yudinī.

4685

99: Par kū es moza beju
Parkū lela naizaugu
Mōte mozu šyupulī
Par bitīti nūsaukuse
Kod lykdama šyupulī:
Guļ atraiša ļaudaviņa.

4686

100: Isim mes mōsiņas
Caur upīres molu
Vīnā pus leicīša
Auga apinīts
Paškinu apiņu
Smaržīgu zaļu
Padariju altiņu
Soldonu da gordu.
Papraseju gasteņu
Bogōtu da gudru
Paprasiju mameņas
Sovas šūvokor.
Edi dzeri mameņ
Rejtā ej uz sātu
Kam mani atdevi
Tōļi svešā molā.